التنويم المغناطيسي ورهاب الامتحانات
الجهل و التنويم المغناطيسي ورهاب الامتحانات
زمان كيف مالجميع يتفرج على الكرتون كانوا يوارونا في التنويم المغناطيسي - ينوموا واحد مغناطيسيا و يتحكموا به - و مرة تفرجت على برنامج Star king كانوا جايبين واحد ينوم الناس مغناطيسياً و يخليهم يحفظوا عدد أكبر من الأرقام من كيف كانوا.
و قعدت نتسآل هل هو نوع من السحر؟
و كيف العادة نبحث في قوقل (كتب التنويم المغناطيسي pdf ) نزل الكتب و ننساهم سنة اثنين بعض الكتب أكثر من خمس سنين لازالوا في قائمة الانتظار.
و لأني كنت نواجه مشكلة ما عرفتش شن هي مشكلتي قصور في الذاكرة! (كم حفظت أغنية يابانية عن ظهر قلب) اذا مشكلتي مش في الذاكرة، مشكلتي في الترتيب و قعدت كل ما نفكر في مشكلة نقرأ كتاب عنها، حتى بدأت بقراءة كتابين عن الذكاء و تركتهم رح نكملهم يوم ما بإذن الله.
عملي المفضل البحث عن الكتب و تنزيلها، جيت فترة (ابراهيم الفقي) تكرر اسمه هلبا و الناس اللي ساعدهم هلبا، و بدأت على قوقل و عملي المفضل (كتب ابراهيم الفقي pdf) و وقعت عيناي على كتاب "الإيحاء" اسم آخر عربي لتنويم المغناطيسي، الله أعلم كم شهر أو سنة قعد الكتاب على رف الكتب الالكترونية. في كل سنة نختار الموضوع اللي مفروض نقرأ عنه وقع اختيار سنة 2018 على التنويم المغناطيسي و اخترت كتاب ابراهيم لأنه عدد صفحات قليل "نحن نميل إلى السهل و السريع" الكتاب كان مجرد مقدمة لم يشبع فضولي فتوجهت إلى كتاب (التنويم المغناطيسي الذاتي) الذي كان هو بالقائمة أيضا.
الكتاب أشبع فضولي تماما بدأت بممارسة التنويم المغناطيسي على الرغم ممارسته تتطلب التكرار و لكن أنا لا أمارسه إلا عند حاجتي إليه.
مش عارف كيف عرفت مشكلتي مع الكتاب أو قبل الكتاب بس اكتشفت اني مصابة برهاب الامتحانات، اللي زمان كنت نقول رهاب! كيف ممكن واحد يخاف من الامتحانات.
بس حاليا نعرف تماما كيف تفقد السيطرة تماما في الامتحان تفقد السيطرة على أعصابك على عقلك حتى يدك معادش تقدر تتحكم فيها من التوتر (هذا اللي صار معي في 316 و 416) على الرغم تحسنت هلبا السنة هذه (بدأ توتري أقل بهلبا بس قاعدة ما تخلصتش من هذه المعاناة) بجد معاناة تخيل تقرأ حاجة و تكون ساهلة عندك تخش للامتحان تقفد الذاكرة تماما، مستحيل ننسى هذا الشعور، كيف ننهار بعد الامتحان من الخوف كيف نروح للحوش راسي قريب يتفجر و كنت نعتقد فقط انه بسبب السهر لكن بعدها عرفت حتى ما نسهرش نمرض مجرد ما نتوتر نمرض، بجديات ما كنتش نعرف انه ممكن حالة النفسية، توتر، قلق يلعن حياتك كلها و يفقدك السيطرة، لما تطلع من الامتحان و انت مصدوم كيف نسيتها وأنا أعرفها تماما كيف نسيتها وأنا حليتها مليون مرة، واااو.
قبل ما يبدأ السيمستر اللي فات مرة تانية بدأت متوترة هلبا و تمنيت القراية تتأجل و الحمد لله تأجلت اسبوع و حليت مشكلتي و قدرت نهدأ نفسي و نكون طبيعية زي اي انسان طبيعي، و تحسنت هلبا بعد التنويم المغناطيسي على الأقل ما فقدتش التركيز في هلبا امتحانات.
التنويم المغناطيسي أو الإيحاء. هو مخاطبة العقل اللاوعي أو الباطن عن طريق الاسترخاء التام و كل حدا عنده طريقة مش محددة بطريقة معينة و يقدر شخص آخر يرشدك وهو يكون المرشد، على حسب كلام آدم إيسون مؤلف الكتاب إن هو ساعد الكثير من الناس حتى انه التنويم يساعدك على الإقلاع على الادمان.
لما تقرأ الكتاب بجد رح تعرف إنه كلام الله في القرآن و الاشياء اللي وصنا الرسول صلى الله عليه وسلم بها كيف تبدأ بالوضوح، و أهم شيء الإيمان، ناقشنا هذاك اليوم أنا و أنيسة على الموضوع و كيف ربطناه.
سبحان الله العلم نور تقدري تشوفيها عن طريق التعلم يعني الله سبحانه وتعالى مايبيش يشرحلك الاسباب و كيف ممكن يصير هو فقط يرشدك و يحطك على الطريق و انت كانسان عليك أن تعرف كيف تكمل هذه الطريق.
مش ح تعرف الدين إلا عن طريق العلم و مستحيل تحب الله بدون علم (مش شرط تكون عالم فسيولوجية) بس عن طريق التأمل أو القراءة أو السفر أو أي شيء جميل.
و بتحب الله أكثر و أكثر عن طريق القراءة عن الله (يقول الله في حديث قدسي من تقرب إلي شبر تقربت إليه ذراعاً)، هذا الحديث خلاني نبدأ نصلي النوافل و بدأن نحاول نذكر الله كل ما نتذكر.
حبيت نشارك كل الناس اللي تعاني و لازالت تعاني في نفس مشكلتي نعرف هلبا ناس قاعدين يجاهدوا في القسم و مايعرفوش مشكلتهم و ما يعرفوش الحل، نبي نقوللهم الحل بالعلم، قعدت نستجدى في عيلتي يرفعوني لدكتور نفسي (قتلهم صاعب علي نصفي مهما قريت) لأني فقدت السيطرة على نفسي، ما نقدرش نتحكم في ذاكرتي وصل الامر ما نقدرش نتحكم في يدي يقعد جسمي يهز في الامتحان و ما نقدرش نسيطر عليه في الامتحان نشد في دموعي حتى ما نفقدش تركيزي) حتى بنات عمي شافوني بس لما تنقال كلمة (316) نبدأ نبكي لاني نعرف روحي قريت فيها لنخاع إني فاهمة كل شيء (بس والله دكتور الغدامسي كان كويس هلبا معي كان عرفني إني فاهمة بس تلخبطت) و نفس شيء صار مع 416 قعدت شهر كامل نبكي و كانت عطلت شهر رمضان (عطلة من السماء) و كل زميلاتي شافوني كيف مرضت، مرة كنت أنا و صفية و لينة و ضحكت ضحكة عادية، و بعدها تسكر نفسي و على جيت ابتهال قتلي "هذا كله ضحك" ، و كنت أنا وقتها قريب نموت و أنا مختنقة و هي ما تعرفش اني مش قادرة نتنفس و مع هذا قعدت كل يوم نمشي لجامعة و متمسكة بخيط ما ينشافش من الأمل، لين صار اللي صار و تعرفوا شن صار (لسيارة) و بعدها شديت "الفرين" ع الجامعة.
أهم شيء بجد هو الرضى بقضاء الله إنك تقولي الحمد لله و أنت في قمة العذاب ويصب أحدهم الزيت على قلبك المشتعل و مع هذا تقول الحمد لله، في شهر رمضان ادركت ان تقرأ القرآن كل يوم تختلف حالتك النفسية و الروحية تماما عن انك تقرأ القرآن مرة في الاسبوع حتى ولو قرأته من غير تفسير في هلبا حاجات تفهمهم لما يرتبط موقف من حياتك مع أية قرآنية، و رح نقول الشعور بحب الله مش ح يجي إلا بقراءة القرآن كل يوم و التعرف على الله بقرب بالقراءة عن الله و ذكر الله و احتساب كل شيء لله و الرضى بقدر الله، الحياة رح تكون قمة في الجمال، أصعب شيء اللي رح يخليك تفكر في الانتحار و الموت هو فقدان الثقة بالله و فقدان الأمل، الله يعطي الصحة لقلوبكم و ينورها و لا تجربوا فقدان الأمل و الثقة بالله.
كنت رح نكتب سطرين بس على التنويم المغناطيسي لقيت روحي كاتبة رواية، بجد نتمنى من كل البنات اللي يعانوا زيني إنهم يقروا هذا البوست أنا الحمد لله الآن انخفض توتري هلبا، ما تستلسموش، الحادثة اللي كانت سبب في اصابتي بهذا المرض كان حادث صغير و كبر مع السنين ره كنت نقول كيف الواحد يخاف من الامتحان لين جربت و تجرعت كأس المرارة، استلهمي ثقتك بالله ثم من نفسك ما تستنيش حد ابحثي عن الحل و كأنك مصاب بالهلع.
و قعدت نتسآل هل هو نوع من السحر؟
و كيف العادة نبحث في قوقل (كتب التنويم المغناطيسي pdf ) نزل الكتب و ننساهم سنة اثنين بعض الكتب أكثر من خمس سنين لازالوا في قائمة الانتظار.
و لأني كنت نواجه مشكلة ما عرفتش شن هي مشكلتي قصور في الذاكرة! (كم حفظت أغنية يابانية عن ظهر قلب) اذا مشكلتي مش في الذاكرة، مشكلتي في الترتيب و قعدت كل ما نفكر في مشكلة نقرأ كتاب عنها، حتى بدأت بقراءة كتابين عن الذكاء و تركتهم رح نكملهم يوم ما بإذن الله.
عملي المفضل البحث عن الكتب و تنزيلها، جيت فترة (ابراهيم الفقي) تكرر اسمه هلبا و الناس اللي ساعدهم هلبا، و بدأت على قوقل و عملي المفضل (كتب ابراهيم الفقي pdf) و وقعت عيناي على كتاب "الإيحاء" اسم آخر عربي لتنويم المغناطيسي، الله أعلم كم شهر أو سنة قعد الكتاب على رف الكتب الالكترونية. في كل سنة نختار الموضوع اللي مفروض نقرأ عنه وقع اختيار سنة 2018 على التنويم المغناطيسي و اخترت كتاب ابراهيم لأنه عدد صفحات قليل "نحن نميل إلى السهل و السريع" الكتاب كان مجرد مقدمة لم يشبع فضولي فتوجهت إلى كتاب (التنويم المغناطيسي الذاتي) الذي كان هو بالقائمة أيضا.
الكتاب أشبع فضولي تماما بدأت بممارسة التنويم المغناطيسي على الرغم ممارسته تتطلب التكرار و لكن أنا لا أمارسه إلا عند حاجتي إليه.
مش عارف كيف عرفت مشكلتي مع الكتاب أو قبل الكتاب بس اكتشفت اني مصابة برهاب الامتحانات، اللي زمان كنت نقول رهاب! كيف ممكن واحد يخاف من الامتحانات.
بس حاليا نعرف تماما كيف تفقد السيطرة تماما في الامتحان تفقد السيطرة على أعصابك على عقلك حتى يدك معادش تقدر تتحكم فيها من التوتر (هذا اللي صار معي في 316 و 416) على الرغم تحسنت هلبا السنة هذه (بدأ توتري أقل بهلبا بس قاعدة ما تخلصتش من هذه المعاناة) بجد معاناة تخيل تقرأ حاجة و تكون ساهلة عندك تخش للامتحان تقفد الذاكرة تماما، مستحيل ننسى هذا الشعور، كيف ننهار بعد الامتحان من الخوف كيف نروح للحوش راسي قريب يتفجر و كنت نعتقد فقط انه بسبب السهر لكن بعدها عرفت حتى ما نسهرش نمرض مجرد ما نتوتر نمرض، بجديات ما كنتش نعرف انه ممكن حالة النفسية، توتر، قلق يلعن حياتك كلها و يفقدك السيطرة، لما تطلع من الامتحان و انت مصدوم كيف نسيتها وأنا أعرفها تماما كيف نسيتها وأنا حليتها مليون مرة، واااو.
قبل ما يبدأ السيمستر اللي فات مرة تانية بدأت متوترة هلبا و تمنيت القراية تتأجل و الحمد لله تأجلت اسبوع و حليت مشكلتي و قدرت نهدأ نفسي و نكون طبيعية زي اي انسان طبيعي، و تحسنت هلبا بعد التنويم المغناطيسي على الأقل ما فقدتش التركيز في هلبا امتحانات.
التنويم المغناطيسي أو الإيحاء. هو مخاطبة العقل اللاوعي أو الباطن عن طريق الاسترخاء التام و كل حدا عنده طريقة مش محددة بطريقة معينة و يقدر شخص آخر يرشدك وهو يكون المرشد، على حسب كلام آدم إيسون مؤلف الكتاب إن هو ساعد الكثير من الناس حتى انه التنويم يساعدك على الإقلاع على الادمان.
لما تقرأ الكتاب بجد رح تعرف إنه كلام الله في القرآن و الاشياء اللي وصنا الرسول صلى الله عليه وسلم بها كيف تبدأ بالوضوح، و أهم شيء الإيمان، ناقشنا هذاك اليوم أنا و أنيسة على الموضوع و كيف ربطناه.
سبحان الله العلم نور تقدري تشوفيها عن طريق التعلم يعني الله سبحانه وتعالى مايبيش يشرحلك الاسباب و كيف ممكن يصير هو فقط يرشدك و يحطك على الطريق و انت كانسان عليك أن تعرف كيف تكمل هذه الطريق.
مش ح تعرف الدين إلا عن طريق العلم و مستحيل تحب الله بدون علم (مش شرط تكون عالم فسيولوجية) بس عن طريق التأمل أو القراءة أو السفر أو أي شيء جميل.
و بتحب الله أكثر و أكثر عن طريق القراءة عن الله (يقول الله في حديث قدسي من تقرب إلي شبر تقربت إليه ذراعاً)، هذا الحديث خلاني نبدأ نصلي النوافل و بدأن نحاول نذكر الله كل ما نتذكر.
حبيت نشارك كل الناس اللي تعاني و لازالت تعاني في نفس مشكلتي نعرف هلبا ناس قاعدين يجاهدوا في القسم و مايعرفوش مشكلتهم و ما يعرفوش الحل، نبي نقوللهم الحل بالعلم، قعدت نستجدى في عيلتي يرفعوني لدكتور نفسي (قتلهم صاعب علي نصفي مهما قريت) لأني فقدت السيطرة على نفسي، ما نقدرش نتحكم في ذاكرتي وصل الامر ما نقدرش نتحكم في يدي يقعد جسمي يهز في الامتحان و ما نقدرش نسيطر عليه في الامتحان نشد في دموعي حتى ما نفقدش تركيزي) حتى بنات عمي شافوني بس لما تنقال كلمة (316) نبدأ نبكي لاني نعرف روحي قريت فيها لنخاع إني فاهمة كل شيء (بس والله دكتور الغدامسي كان كويس هلبا معي كان عرفني إني فاهمة بس تلخبطت) و نفس شيء صار مع 416 قعدت شهر كامل نبكي و كانت عطلت شهر رمضان (عطلة من السماء) و كل زميلاتي شافوني كيف مرضت، مرة كنت أنا و صفية و لينة و ضحكت ضحكة عادية، و بعدها تسكر نفسي و على جيت ابتهال قتلي "هذا كله ضحك" ، و كنت أنا وقتها قريب نموت و أنا مختنقة و هي ما تعرفش اني مش قادرة نتنفس و مع هذا قعدت كل يوم نمشي لجامعة و متمسكة بخيط ما ينشافش من الأمل، لين صار اللي صار و تعرفوا شن صار (لسيارة) و بعدها شديت "الفرين" ع الجامعة.
أهم شيء بجد هو الرضى بقضاء الله إنك تقولي الحمد لله و أنت في قمة العذاب ويصب أحدهم الزيت على قلبك المشتعل و مع هذا تقول الحمد لله، في شهر رمضان ادركت ان تقرأ القرآن كل يوم تختلف حالتك النفسية و الروحية تماما عن انك تقرأ القرآن مرة في الاسبوع حتى ولو قرأته من غير تفسير في هلبا حاجات تفهمهم لما يرتبط موقف من حياتك مع أية قرآنية، و رح نقول الشعور بحب الله مش ح يجي إلا بقراءة القرآن كل يوم و التعرف على الله بقرب بالقراءة عن الله و ذكر الله و احتساب كل شيء لله و الرضى بقدر الله، الحياة رح تكون قمة في الجمال، أصعب شيء اللي رح يخليك تفكر في الانتحار و الموت هو فقدان الثقة بالله و فقدان الأمل، الله يعطي الصحة لقلوبكم و ينورها و لا تجربوا فقدان الأمل و الثقة بالله.
كنت رح نكتب سطرين بس على التنويم المغناطيسي لقيت روحي كاتبة رواية، بجد نتمنى من كل البنات اللي يعانوا زيني إنهم يقروا هذا البوست أنا الحمد لله الآن انخفض توتري هلبا، ما تستلسموش، الحادثة اللي كانت سبب في اصابتي بهذا المرض كان حادث صغير و كبر مع السنين ره كنت نقول كيف الواحد يخاف من الامتحان لين جربت و تجرعت كأس المرارة، استلهمي ثقتك بالله ثم من نفسك ما تستنيش حد ابحثي عن الحل و كأنك مصاب بالهلع.
تعليقات
إرسال تعليق