كَلْكُوعة

يوميات نفسية (الامتحانات) نشعر بإهانة عظيمة لنفسي  مش قادرة نعتبر إن كله مجرد درجات  نحس بأن عندي فعلا توتر - رهاب امتحانات - في بعض الأحيان نفكر إني نتخلى عن كل شيء  أو نبدأ من الصفر  أو ننهي كل شيء  شيني هو السبب اللي يخليني غبية في الامتحان و ما نفكرش تفكير منطقي كل تفكيري اعتباطي مهما قريت مهما حليت مسائل مهما تدربت بس نتوتر شوي نخاف ان نسيت القانون يضيع امتحان كامل  نحس إني أهنت نفسي بدرجة كافية و فعليا ما عرفتش الحل  في بعض الأحيان نقول اني نضيع في وقتي ع الأغاني الأغاني تاخد من وقتي أقل من تلات ساعات في الأسبوع  المسلسلات و الانمي نقطع فيهم في فترة الامتحانات و ما يخدوش حتى ساعة في اليوم نتفرج ع نص حلقة في اليوم  حتى لما نقرى نتوتر نخاف شيني ممكن يصير في الامتحان  جربت كل طرق لدرجة إن علاقاتي الاجتماعية صفر لو حد يشوف الماسنجر امتاعي تلات ربع رسائله ع القراية بكل ما تعنيه كلمة ما نحكيش مع حدا إلا نادرا جداً - أنا مش سعيدة لهذا -  لما ما صفتش 416 قعدت تلات شهور نبكي بس نسمع كلمة 416 لدرجة مرضت لأنه مافيش حاجة ت...